Sia mau KUPI

Sekarang ni jam 1.15 pagi sudah ni, mata mengantuk gila sudah, rasa-rasanya kalau ada segelas atau lima gelas KUPI @ kopi ni pasti enak dan sedap untuk diminum panas2 kan, tapi apakan daya indada begia kupi di upis ni, ada mengkali tapi sana pantry, tapi malas betul sia ni mau p sana, mau p kc marak lagi tu lampu, emmm (orosian saja bilang bah, guntalou)

Jadi sia rasa sia betul2 ni mau minum kopi oh, ada sesiapa yang sanggup mendermakan 'kupi', sila lah datang p sini upis sia..... Tulung....

Lagi satu, tu boss sia kasih tau, sia inda jadi p KK bisuk pagi (padahal pagi sudah pun sekarang ni, tapi biasa begia kena panggil cam tu kan)... Jadi sia ada masa lah ni untuk o oi @ zzzz sampai tengahari nanti. Sakit2 ni badan rasa sekarang ni...

Nah kan baru 2 minit sia minta tulung bawakan 'kupi' untuk sia tadi, terus ni kawan sia offer mau p beli, wah Terima Kasih Tuhan..... Bukan sekadar kupi sia minta tapau ni, perut rasa lapar lah pula, jadi apa salahnya belikan sia mee hoon goreng.... (tapi pakai duit sendiri ni, mestilah bah kan).

Jadi sekarang ni sia tunggu ni itu barang.... barang makanan bah.....